Durangoko trenbideko planaren informazioa bihar emango du Eusko Jaurlaritzak

Antonio Aiz Eusko Jaurlaritzako azpiegitura eta garraio sailburuordea Durangoko udaletxera etorriko da, 60.000 metro karratu dituzten lurren urbanizazio plana Aitziber Irigoras alkateari ematera. Prentsa ere deitu dute ekitaldi horretara.

Trenaren lurperatzearen ondorioz libre geratutako lurren inguruan ez da informazio argirik egon azken urteetan, 2006an plan berezia landu eta gero krisia etorri eta proiektua atzeratu zelako. Aurten, udalak lurren birpartzelazioa onartu du, eta horren ostean hainbat herritarrek Erabaki izeneko plataforma sortu dute; planaren inguruko informazioa eskateaz aparte, galdeketa bat egitea gura dute. Berez, 554 etxe jasoko lituzteken 5 etxe dorre egitea zen planaren gako nagusietako bat, eta ikusteko dago Jaurlaritzak asmo horregaz aurrera jarraituko duen ala ez. Horrez gainera, partzelan berdeguneak eraikiko lituzteke.

Bestalde, erabilera erlijiosorako eremu bat gordetzea aurreikusten zuen planak, baina udalak atzera bota du aukera hori, osoko bilkuran onartuta, EH Bilduren ekimenez. Hasiera batean Euskotrenen egoitza nagusia ere bertan egon behar zen, baina Jaurlaritzak proiektutik kendu zuen krisia etorri zenean.

Erlazionatuak

“Etxeak ez dituzte biztanleei begira egingo, baizik eta trenaren lurperatzearen gastua estaltzeko asmoz”

Durango

Azken asteetan zeresana eman duen Erabaki plataformako kide dira Amaia del Amo Castro eta Unai Valle Sarasketa. Trenbide zaharreko lurretan egingo ...
2.300 sinadura batu gura ditu Erabaki plataformak, trenbideko lurrei buruz galdeketa eskatzeko

Durango

2006an trenbide zaharreko eremurako landutako plan bereziak bost etxe dorre –554 etxe guztira– jasotzen zituen, aisialdirako guneez gai...
Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.