Durango Kirolak erakunde autonomoko presidenteak –Pilar Rios– eta gerenteak adostuta jorratuko dute prozesu hori. Martitzeneko osoko bilkuran eman zuen gobernu taldeak erabakiaren berri, EH Bilduk gaia lantzeko aurkeztutako mozio baten harira.
Landako II kiroldegia eraiki zenetik hainbat arazo sortu dizkio udalari, urteotan akatsak eta matxurak agertu izan direlako. Hasierako obragaz lotura dutela uste dute; hau da, lan haiek ez zirela behar bezala egin. Horregatik, urteotan egin behar izan dituzten konponketen ardura instalazioak eraikitzeko adjudikazioa lortu zuen enpresarena dela uste dute.
