Geu Be elkarteko gazte batzuk Genuine Liga jokatzen ari dira Athletic taldearekin. Tarragonan eta beste hainbat tokitan egon dira. Atzo Geu Beko kide guztiek izan dute Athleticen kamiseta janzteko aukera. Izan ere, Geu Be taldeak eta Genuine Ligako Athleticek elkarren kontra jokatu zuten Lezaman. Geu Bekoak Athleticen bigarren ekipazioarekin ibili ziren.
Maiatzeko azken asteburuan amaituko da Genuine Liga. Azken jardunaldia falta da. Ez dute ligarik irabaziko, baina Fair Play edo joko garbiaren sailkapenean lehenengo doaz.