Filmak jasotako 13 izendapenak "faborito" titulua ere badakar. "Faborito izatea errekonozimendua da, presioa ere eragiten duen arren", aitortu du aktore durangarrak.
Aktore berri onenaren sarirako izendapena emozioz hartu du aktoreak. "Inoiz ez dakigu zer gertatuko den. Hala ere, izendapen hau Joseba Usabiagaren izendapen moduan ere sentitzen dut".
Filma estreinatu zenetik, aktore eta zuzendariek promozio lan handia egin dute, nazioarteko jaialdietan zein herrietako zine aretoetan. Estatuan jatorrizko bertsioan ere filmak zabalkunde handia izan duela gogoratu du Sagardoyk.
