XX. mende erdialdean espainiar estatutik etorritako migrazioa ikertzea proposatu du EH Bilduk osoko bilkuran, eta ideia egi bihurtuko da, PP salbu alderdi guztiek babestuta. Pertsonen bizipenak bekaren oinarri izatea gura du oposizioko lehen indarrak, zentro kulturalekin eta auzo elkarteekin elkarlanean.
Orain, udal batzordean lanean hasiko dira, beka zelan arautu erabakitzeko. EAJk eta PSE-EEk eskatu dute ikerketak oinarri zientifikoa eduki dezala; EH Bilduk baietz dio, baina lehentasuna ikerketa herritarra izan behar dela. Batzarretan heldu beharko dira adostasunera.
