Lierni Lekuonak garaipenegaz hasi du ziklo-kros denboraldia

Bizkaia-Durangoko txirrindularia onena izan da Urduñan.

Euskal zirkuituko lehenengo proba lehiatu dute asteburuan eta Bizkaia-Durango taldeko Lierni Lekuonak (Lezo, 1995) irabazi du. Lekuona Euskadiko txapelduna da ziklo-krosean.

Arratiko Z.E. taldean dabilen Naia Alzola durangarra bosgarren sailkatu da proba berean. Gazte mailetan goiko postuetan ibili dira Iurretako CAF Turnkey Engineering taldeko hainbat txirrindulari. Juniorretan eta kadeteetan laugarren amaitu dute Amaia Murgialdayk eta Maria Arbeloak, hurrenez hurren. 

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.