Hunkituta berba egin du Fusterrek. Bere ama, familia sozialistakoa zen eta Frantziara ihes egin behar izan zuen frankisten errepresioagatik. Han ere borrokan jarraitu zuen, alderdi komunistaren baitan. Adibidez, Parisen egunkari iraultzaile bat banatzen ibili zen, eta Donostiara ere etorri zen, heriotza zigorra zutenak jaso eta Frantziara ihes egiten laguntzeko. Bere izaera komunistagatik, "kamarada" guztiak ere gogoan izan ditu gaur Fusterrek.
Parkearen sarreran egongo den plaka bat ere inauguratu dute ekitaldiaren hasieran.
