Handia filma estreinatuko dute Zinemaldian, gaur gauean. Atzoko prentsarako proiekzioan eta gaur goizeko emanaldian txalo zaparradak jasota heldu da Jon Garañoren eta Aitor Arregiren filma estreinaldira. Altzoko handiaren bizitzan inspiratutako filma Zinemaldiko sail ofizialean lehiatzen ari da. Filmaren zuzendariek eta aktoreek prentsaurrekoa eman dute goizean, pelikula aurkezteko.