Tren geltoki zaharra bota eta ingurua zabalduko dute 8 hileko epean

Eusko Trenbide Sareak lanen lizitazioa atera du, eta adjudikatu eta gero, enpresak 8 hileko epea edukiko du obra burutzeko. 1,19 milioi euroko aurrekontua dauka egitasmoak. Gainera, egungo geltokiaren sarbidea estali eta hobetzeko beste 322.000 euro erabiliko dituzte. 

Lanak amaitzean, espazioa zabalik geratuko da. Izan ere, ETSk hesiak eta hormak kendu eta hormigoia botako du ingurunean, etorkizunean bertan egingo diren proiektuak hasi bitartean behin-behineko neurri lez.

Bestalde, estazio berriko sarbideak kexa ugari ekarri ditu zabaldu zenetik. Izan ere, eskailera aldapatsuak ditu, estali bakoa da, eta euria egiten duenean labainkorra da. Berez, sarbide hori larrialdi irteera bat da, geltoki zaharra dagoen inguruan zabalduko den sarbide nagusia egin bitartekoa. Ondorioz, egungo sarbidea estaliko dute, eta aldapa ere gutxituko dutela esan dute ETSkoek.

Lan hauek amaituta, zabalgunean zer egin erabakitzea geldituko litzateke. Hasierako Durango Operazioa izeneko proiektuan agertzen ziren etxeak eraikiko diren ala ez, berdegune handi bat izango ote den...

Erlazionatuak

Durangoko tren geltokian akatsak daudela onartu du Oregi sailburuak

Durango

Dani Maeztu EH Bilduko legebiltzarkideak eskatuta, agerraldia egin du Ana Oregi sailburuak. "Berehalako inbertsio" batzuk iragarri ditu, geltokiko ...