Sapuetxe: "Bizirik dagoen eraikin pribatu bat botatzeko, diru publikoa erabiliko dute"

Sapuetxe eraikin okupatua botatzeko partida 425.000 eurora igo du udalak, baina hala ere, oraindik ez dago eraisten hasteko datarik. Sapuetxeko kideek ez dute begi onez ikusten inbertsioa, eta informazio kanpaina bat hasiko dute.

"Kontuan edukita eraikina jabego pribatukoa dela eta udaleko dirua publikoa dela, ez dugu ulertzen udalak zergatik bere gain hartzen duen gastu hori", esan du Irantzu Zuazuak. Jabego pribatukoa izateaz aparte, Iparraldeko Ur Konfederazioak eta URA agentziak ere badute ardura, eraikin azpitik erreka pasatzen delako. Udaleko osoko bilkuran, kritika bera egin zuen Dani Maeztuk. 

Diru publikoaren erabileragaz jarraituta, Sapuetxekoek hobe ikusten dute gazteen etxebizitza politikan inbertitzea, adibidez. Bestalde, gogoratu dute Durangon beste eraikin batzuk ere badaudela ordenamenduz kanpo.

Gaztetxetik kultur espaziorako jauzia egin du Sapuetxek, eta bizirik dagoela diote. "Eraldaketa handi batean dago. Mugimendua bizitu denean, presioa egiten hasi dira", esan du Jon Unzuetak. Adin ugaritako jendeak parte hartzen du, eta ekintzak ere anitzak dira: La Noche Boluda hileroko antzerki emanaldia, Umerri hezkuntza egitasmoko afariak, umeen jolas-txokoa, Kurdistanen aldeko ekimenak... Rio De Orokoei ere lekua erraztu zieten azoka egunetan.

Elkarbizitzaren alde
Gainera, elkarbizitzaren aldeko apustua egin dute. Ordutegia auzokideekin adostu dute, adibidez. "Jende askok ezin zuen ikusi Sapuetxe, eta guk hori argi daukagu. Baina ja ez da arazorik sortzen", dio Gorka Zuazuak. "Ez da lehengo espazio iluna; gauza politak egiteko espazio bat da", azaldu du Irantzuk. Eguaztenetan egiten dituzte asanbladak, 18:00etan.

Erlazionatuak

Sapuetxe botatzeko proiektua amaitzear dagoela esan du udalak

Durango

Sapuetxe etxe okupatuaren eraiste-proiektua amaitzear dago, udalaren arabera. 2016an botatzeko obra egitea espero dute, konfirmatu ez arren.
Sapuetxen aro berri bat hasiko dute zapatuan, berrinaugurazioagaz

Durango

1999an gazteentzako espazio bat zabaltzeko asmoz okupatu zuten Sapuetxe, Montevideo kalean, erreka gainean, hutsik geratu zen etxebizitza-eraikina....