Izan ere, "laguntza publikorik barik ezinezkoa izango da gaueko zerbitzua martxan ipintzea", Etxepelekoek diotenez. Uneotan, eguneko zentroa kudeatzeko 150.000 euro erabiltzen dituzte urtean, eta gauekoa zabalduz gero, gastua 400.000 eurora igoko litzatekeela azaldu du Estefaníak. Etxe barik daudenei zuzendutako pentsioak 11 plaza izango ditu.
Baquéren ekarpena
Informazio hori, Cafés Baquéren ekarpena aurkezteko prentsaurrekoan eman dute. 50 kilo kafe eman dizkio enpresak Etxepeli, etxebakoek 2016an zehar zentroan kontsumitzeko. "Kafea, etxeko beroa, familian zaudela gogorarazten dizuna" dela esan du Baquéko Akier Legarretak. Aurrerantzean ere, Caritasegaz lankidetzan jarraitzeko asmoa agertu du.
