Durangaldean urte luzez bizi diren 22 lagunek jaso dute Etxepeleko kideen laguntza eta babesa. Une honetan, 19 dira eguna bertan pasatzen dutenak. Atsedena, higienea eta aisialdia eskaintzen dizkiete. Adibidez, txakur bategaz esperientzia terapeutiko bat martxan dute orain.
Etxepelera joan diren 22 lagunetatik 7 Europar Batasunez kanpo etorritakoak dira. Alberto Estefanía Etxepelen arduradunak esan du 9 erabiltzaile kalean bizi izan direla, eta egoera hori sei urtez bizi izan dute batzuek. Estefaniak adierazi du Etxepel zabaltzeko ideia aldundiaren eta Eusko Jaurlaritzaren ikerketetan oinarrituta eduki zutela, zeinak Durangaldean horrelako zentro bat ipintzeko aholkua ematen zuten. Estefaníaren arabera, administrazio batzuek zentroaren beharrik ez zegoela esan zieten sorrera prozesuan. Baina, urtebeteko balantzeak beharrizana badagoela erakusten du, Estefaníaren ustez.
Etxepelen helburua, bazterkeria egoeran daudenei gizarteratzen laguntzea da.