Durango B izan zen aurkaria gehien estutu zuena, eta 22 tanto egin zituen Hossegorreko bikote indartsuaren aurka. Iker Abazek ezin izan zuen partidu hori jokatu, eta, ondorioz, Asier Azkaratek Mikel Alberdigaz jokatu zuen Durangoren partetik.
Asteburu honetan bigarren jardunaldia jokatuko dute. Zapatuan, 17:30ean, Markina, Noain eta Gasteiz faborito izango dira Tolosa, Hondarribia eta Pauren kontra, hurrenez hurren. Domekan, 12:00etan, beste kanporaketa bi jokatuko dituzte Mutriku-Gernika eta Berriozar-Andoainen artean.