Zapatuko criterium-ean sari berezi bi banatuko dituzte: 100, 200 eta 400 metroko abiadura lasterketetan portzentaiarik onena duen gizonezkoak eta emakumezkoak Jose Angel Insunza Saria jasoko du. Insunza gogoratzea “aspalditik egin guran” zebiltzan zerbait dela adierazi du Durango Kirol Taldeko presidente Juan Sampedrok. Jose Angelen alaba Ainhoa Durangoko Kirol Taldean dabil gaur egun.
Jose Angel Insunza gernikarra zen eta “atletismoa erlijioa” zen berarentzako. Abiadura probetan aritzen zen batik bat. 1969an Bizkaiko orduko errekorra apurtu zuen 400 metrotan: “Bizkaiko atletismoak bere historian izan duen urterik onenetan bera lehian aritu zen; ez zen gehien narbarmentzen zena, baina bai giroa jartzen zuena eta beste denei gozarazi egiten ziena”.