[ARGAZKI GALERIA] Greba orokorreko aldarriak ozen entzun dira eskualdeko hainbat herritan

Manifestazioen amaieretan egindako irakurketetan gutxieneko soldata propioak eta bizitza duinak aldarrikatu dituzte. "Gurea elkartasuna da. Gutxieneko soldataren alde egindako ibilbideak ekarri gaitu greba deialdira, baina bizi dugun testuinguruak hamaika arrazoi gehitzeko aukera ematen digu. Etxebizitza prezioek gora egiten jarraitzen dute, eta esku hartze bakarra errentisten mesedetan egiten da; zerbitzu publikoen eraispen isila eta etengabea bizi dugu; pentsioetan, soldatetan bezala, sexu-generok arrakala betikotzen jarraitzen du; eskubideen murrizketak justifikatzen dituzte, 'batzuk urrunegi joan omen direlako'; krisi ekologikoa areagotzen ari da; eta langileok urtero gure lanpostuetan gaixotu eta hil egiten gara patronalaren utzikeria dela eta", adierazi dute, esaterako, Zornotzan.