Asturiasko Arenas de Cabrales herrian mendiko lau lasterketa jokatu dira gaur, Trail de las Pastoras de Portudera probaren barruan. 42 kilometroko lasterketan, maratoian, Silvia Trigueros korrikalari abadiñarra nagusitu da nesketan (6.51.57). Ana Aguirre mallabitarrak egin du bigarren (7.07.54), eta Anna Mengualek hirugarren (7.10.35).
Bestalde, 26 kilometroko trailean, Oihana Azkorbebeitia abadiñarra bigarren sailkatu da nesketan (4.08.13), Sarah Ugarteren atzetik (3.56.49). Carolina Niñok osatu du podiuma (4.44.15). Beste lasterketa bi ere egin dira, 13 eta 8 kilometrokoak.
Los Urrieles mendi taldeak antolatzen ditu lasterketok. Aspaldi emakume artzainek Europako Mendietan ganadua gobernatzeko zabalduriko bideetatik zehar egiten dituzte urtero proba hauek, eta emakume horien omenez ipini zioten izena probari: Trail de las Pastoras de Portudera.