Asteburuan Sevillan jokatutako pistako Espainiako Txapelketan laugarren postu bi eskuratu ditu Ziortza Isasi elorriarrak. Zapatuan, omnium proban lehiatu zen Eustrak-Euskadi taldeko txirrindularia, eta podiumetik puntu bakarrera gelditu zen. Omniuma Eukene Larrarte tolosarrak irabazi zuen, bigarren postua Margarita Lopezek lortu zuen eta hirugarrena Laura Rodriguezek. Isasiren taldekide Izaro Oliveirak 15. egin zuen.
Domekan, berriz, Isasik eta Oliveirak madison proban parte hartu zuten, eta proba honetan ere laugarren izan ziren.
Aranburu selekzioagaz
Bestalde, Sevillako txapelketan eskualdeko beste txirrindulari batek ere parte hartu du, Kimetz Aranburuk. Abadiñarrak omniumean 11.postua lortu zuen eta madisonean zazpigarren izan zen.