Zaldibar Argitu plataformak jakinarazi zuenez, teknikariek zabortegiko "iragazkortasun geruza egokia zela, eta legearekin eta baimenekin bat zetorrela" deklaratu zuten. Plataformaren iritziz, agintariek publikoki esan izan dutena errepikatu zuten: "haiek dena primeran egin zutela eta errudun bakarra Verter enpresa dela". Alabaina, Zaldibar Argituren esanetan, deklarazioek "teknikari horien gainetik dauden agintarien ardurak zehazten hasteko balio behar lukete".
Plataformak ohar batean adierazi duenez, zabortegia amildu zenean "hasieratik geratu zen argi ez zela ezbehar bat izan, eragindako desastrea baizik, enpresariek eta haien jarduna ikuskatzeko ardura zuten Eusko Jaurlaritzak eragindakoa".
Otsailean lau urte beteko dira Eitzagako hondakindegia amildu zenetik.