Epaileek pelikularen erritmoa eta irudien maila azpimarratu dituzte, besteak beste. "Bi zuzendariek airean eramaten gaituzte lehen segundutik amaiera arte. Alor filmiko guztien bikaintasunagatik izan da aukeratua. Kasurako, pelikularen erritmoa, musika, soinua, muntaia, aktoreen zuzendaritza eta irudia maila altukoak direla azpimarratzen dugu epaimahaikideok", azaldu dute. Zilarrezko Antzarraz gainera, 1.600 euro irabazi dituzte.
Film onenaren saria Julen Zubieteren Agur artzai lanak irabazi du; Gazte22 saria Unax Alcubillaren Kosmospolita lanarentzat izan da. EITB Ikusleen saria, berriz, Ekaitz Vertizek eraman du, Hitza eman nion lanagatik.