Norvegiako enpresa batek parke eolikoak eraikitzeko proiektuak ipini ditu Eusko Jaurlaritzaren mahai gainean. Espainia aldean, gobernuak eskua sartu du energia-prezioak apaltzeko politiketan. Eta Ukrainan energiaren prezioari eragiten dion gerra bat dago, hartu-eman geopolitiko konplexuei eragiten diena mundu osoan.
Itolarria komertzioetan
Horrek guzti horrek bete-betean eragin die eguneroko martxan tipi-tapa dabiltzan komertzio txikiei. Ondotxo dakite honako hau: urruti dituzte energia garestitzearen faktoreak, baina etxe barruan itolarria igartzen dute. Horregaitik, kalera irten eta mikrofonoa ipini diegu joera makroekonomiko erraldoien aurrean hauskorrak diren komertzioei, zero kilometroa osatzen duten kideei, eskualdeko sare soziala (egiazko sarea, digitala ez dena) osatzen dutenei.
