Epaiketa "muntaia polizialean" oinarritua dagoela salatu du Ernai gazte antolakundeak elkarretaratzean. Horrez gainera, gaurko epaiketa "zazpi gazteren aurkako epaiketa baino gehiago" dela salatu dute. "Ez da kasu isolatu bat. Gaur bizi baldintza duinen alde borroka egiten dugun guztiak izango gara epaituak, Tubacex, ITP eta Alconzako langileak jipoitzen dituzten borrak denok jipoitzen gaituzten bezala, San Francisko auzoko gure auzokideen aurkako mehatxuak gure aurkako mehatxuak diren bezala, eta kide feminista bat atxilotzen duten bakoitzean denok atxilotzen gaituzten bezala".
"Gazte borrokaren" aldeko mezua zabaldu dute, baita ere, "bizitza duinen alde eta bizi proiektu burujabeak garatzeko".