Batetik, zapatu iluntzean auto batek istripua izan zuen Iurretan, AP-8rako ordainlekuan eta gidaria hil egin zen. Bigarren hildakoa zapatu gauean gertatu zen Zornotzan, N-634 errepidean eta San Antonio auzoaren inguruan. Kasu horretan, auto batek oinezko bat harrapatu zuen.
AP-8 Peajerik Ez Plataformarentzat istripu hauek ez dira kasualitatea. "Istripuetan hildakoak zuzenki lotuta daude Aldundiak AP-8 ordainlekuetan duen diru-gosearekin", adierazi dute ohar batean. Plataformakoen ustez, hildako biak ekidin zitezkeen, "baina bidesariak dakartzan milioiak mugikortasun seguru eta eraginkorraren aurretik jartzen dituzte". N-634an gertatzen diren istripuen arrazoia "gehiegizko trafikoa" dela eta hori eragozteko ez dutela ezer egiten salatu dute.