'Pantailak euskaraz' ekimena sortu dute

Iñigo Arandia (Tinko Euskara), Aintzane Gamiz (BIEUSE), Alex Aginagalde eta Patxo Larrinoa (Netflix Euskaraz).

Ikus-entzunezkoen sektorean euskarak bizi duen egoera "irauli eta "euskarazko etorkizun bat lortzeko" helburuagaz bat egin dute hainbat herri ekimen eta eragilek. Gaur aurkeztu dute Pantailak Euskaraz, Donostian.  

"Euskararen normalizazioan pauso sendoak ematea, euskarazko ikus-entzunezkoen produkzioa sustatzea eta hedatzea, eta bikoizketa indartzea" dira ekimenaren helburuetako batzuk. Besteak beste, Netflix Euskaraz eta Disney+ Euskaraz ekimenek, zinema aretoetan euskara sustatzen ari den Tinko euskara elkarteak eta BIEUSE Bikoiztaile Euskaldunen Elkarteak jarri dute martxan ekimena. 

Aldarrikapenak "lau haizetara" zabaldu, eta "euskarak pantailetan bizi duen egoerarekin kezkaturik dauden herritarren" atxikimendua jasotzeko helburuagaz, pantailakeuskaraz.eus webgunea jarri dute martxan, baita ere. 

20.000 sinadura

Apirilean agerraldia egin zuten dozenaka lagunek Netflix Euskaraz ekimenak deituta Durangon. Netflixi eudkiak euskaraz eskatzeko sinadura bilketa kanpainan 10.000tik gora lortu zituela adierazi zuten bertan, besteak beste. Abenduaren 3rako 20.000 lortzeko helburua zutela azaldu zuten, baita. 

Erlazionatuak

Netflix Euskaraz taldeak 20.000 sinadura lortu gura ditu abenduaren 3rako

Durango

Netflix plataforma digitalari edukiak euskaraz eskatzeko jarri du martxan ekimena Netflix euskaraz taldeak. Abenduaren 3rako 20.000 sinadura lortze...
Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.