Asteburuan Mallorkan jokatutako Espainiako Txapelketan hiru domina eskuratu dituzte Durangaldeko txirrindulariek. Zapatuan ekin zioten lehiari txirrindulariek Espainiako Omnium Txapelketagaz. Proba horretan eskualdeko txirrindulariek lehenengo domina lortu zuten. Eustrak-Euskadi taldeko Illart Zuazubiskar abadinarra hirugarren izan zen. Markel Rodriguezek eta Ziortza Isasik, berriz, bederatzigarren postua eskuratu zuten.
Atzo, ostera, Espainiako Madison Txapelketak jokatu zituzten eta Zuazubiskarrek asteburuko bigarren domina lortu zuen, oraingoan urrezkoa. Illart Zuazubiskarrek eta honen bikoteak, Telmo Senperenak, nagusitasunez lortu zuten proba irabaztea. Emakumezkoetan Eustrak-Euskadi taldeko Ziortza Isasik eta Ana Usabiagak zilarrezko domina lortu zuten.
Ziortza Isasi ezkerretik hasita bigarrena.