LABek hedabideetara igorritako oharrean dioenez, "polizia eta patronala eskuz esku aritu dira" sindikatuko 6 kide atxilotzeko "operazioan". Martxoaren 8an, sindikatuko kideek "protesta ekintza baketsu zehatza" egin zutela adierazi du LABek, eta atxiloketak "muntaia polizial" gisa izendatu ditu. "Sistemari ez zaio interesatzen, gu, emakume langileok, aurrera aurre jartzea. Ezarritako ordena zalantzan jartzen ari gara eta garesti ordainduko dugula adierazi digute. Alferrik ari dira, ez dugu pauso bakar bat ere atzera egingo", adierazi du sindikatuak.