Osasun Sailak koronabirus kasuen zerrenda eguneratu du. Atzotik hona 29 kasu positibo berri atzeman dituzte Durangaldean. 9 Durangon, 8 Zornotzan, 4 Berrizen, 3 Abadiñon, 3 Elorrion, 1 Atxondon eta 1 Otxandion.
Atzo, 10.709 test diagnostiko egin zituzten Bizkaian, Gipuzkoan eta Araban. Horietatik 792 positiboak izan ziren. Lurraldeen arabera: 140 Araban, 314 Bizkaian, 334 Gipuzkoan eta 4 EAEtik kanpo bizi diren pertsonenak izan ziren.
Ospitaleen egoera dela eta, COVIDaren ondorioz 74 pertsona ospitaleratu ziren atzo, eta COVIDa duten 106 pertsona ZIUn daude.
Positiboak eta intzidentzia-tasa azken 24 orduetan:
- Abadiño: 3 (Intzidentzia-tasa: 309,52)
- Atxondo: 1 (722,02)
- Berriz: 4 (1201,20)
- Durango: 9 (325,92)
- Elorrio: 3 (255,10)
- Garai: 0 (0,0)
- Iurreta: 0 (108,46)
- Izurtza: 0 (0,0)
- Mallabia; 0 (336,13)
- Mañaria: 0 (383,14)
- Otxandio: 1 (147,60)
- Zaldibar: 0 (623,97)
- Zornotza: 8 (383,62)