Durangoko eta Iurretako pentsiodunek manifestazioa egingo dute Nagusien Nazioarteko Eguna dela aprobetxatuta. Nazioarteko Eguna gaur da, urriaren 1a. Baina urriaren 5ean egingo dute manifestazioa. "Egoitzetan edo etxean mendekotasuna duten adineko pertsonen alde" egingo dute, "pertsona guztien osasunaren eta bizitzaren alde". Era berean, lan-erreformak indargabetzea, gutxieneko soldata 1.200 eurokoa izatea eta pentsio publikoak eskatuko dituzte. Manifestazioek Iurretako Askondotik eta Durangoko udal plazatik irtengo dute, 12:00etan. Zutabe biak Madalenan batuko dira eta Ezkurdira joango dira gero.