Manifestazio bateratua egin dute gaur Iurretako eta Durangoko pentsiodunek. Askondotik irten eta Durangora mugitu dira iurretako pentsiodunak. Durangokoek ere manifestazioa egin dute herrian zehar eta bi zutabeek bat egin dute Madalenan.
Urtarrilaren 30eko greba orokorragaz bat egin eta bertan parte hartzeko deia egin dute. Halaber, sustengua agertu diete Lapurdiko, Zuberoako eta Nafarroa Behereko herritarrei, eta Frantziako estatuko pentsioen erreformari aurre egiten dieten herritarrei.