Positibo berriak baieztatu dira Atxondon, Durangon eta Zornotzan

Osasun Sailak emandako azken datuen arabera, 449 dira koronabirusa dela eta Durangaldean baieztatuta dauden kasuak. Azken orduetan positibo berriak baieztatu dira Atxondon (+1), Durangon (+4) eta Zornotzan (+4).Atzo 9.446 test inguru egin ziren Araban, Bizkaian eta Gipuzkoan. PCR testen bidez atzemandako kasuak 53 izan ziren. Test azkarren bidez baieztatutakoak, berriz, 343. EAEn hildakoak 1.403 dira guztira (+13)

Azken datuak atzo iluntzekoak dira, 20:00etan jasotakoak. Baieztatutako positiboak 449 dira, baina gehiago egon litezke. Izan ere ezjakina da koronabirusa izan eta baieztatu barik dauden herritarren kopurua, ez baitzaizkie herritar denei probak egiten. Datuak, herrika:

  • Durango: 189 (+4)
  • Zornotza: 148 (+4)
  • Elorrio: 28
  • Abadiño: 27
  • Zaldibar: 13
  • Iurreta: 14
  • Otxandio: 9
  • Berriz: 7
  • Atxondo: 7 (+1)
  • Mallabia: 4
  • Mañaria: 3
Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.