Azkenean, heldu da umeek kalera irteteko ordua. Domekatik aurrera izango da, egunean ordubetean, 9:00etatik 21:00etara. Nagusi batek lagunduta irten beharko dute, gehienez hiruko taldetan, eta beharreko distantziak hartuta. Gainera, etxetik kilometro baten bueltan mugitzeko aukera izango dute umeek. Horretarako, Gaindegiak mapa interaktibo bat prestatu du, norberaren bizilekutik noraino irteteko aukera dagoen zehatz-mehatz ikusteko.
Mapa interaktiboari esker, familiek noraino irten ahal diren jakin dezakete. Erabiltzaileak lehenik bere herria bilatu behar du bilatzailean, eta ostean, etxebizitzaren gainean klikatuta, kilometro bateko eremua markatzen du mapak.