Azken egunotako ekintza solidarioei batu zaie Ajangizko Maier kooperatiba. Enpresa horretan ekoitzitako 1.780 bisera Amankomunazgoaren eskuetan ipini dituzte, azken honek, inguruko eragileengan eta babestu beharreko langileengan banatu ditzan. “Egun hauetan hainbat izan dira ezagutu ditudan ekimen solidarioak. Polita eta garrantzitsua da horrelako egoeran bakoitzak bere onena ateratzea. Zalantza barik, jarrera honek osasun larrialdi egoera hau arinago eta hobeto gainditzera lagunduko gaitu” nabarmendu du Elkoroiribek. Amankomunazgoko presidenteak eskerrak eman dizkio Maier enpresari, erakutsitako konpromisoagatik, dedikazioagatik eta elkartasunagatik.