Amankomunazgoak azaldu duenez, Zaindu zerbitzua "telefono bidezko laguntza, sostengu psikologikoa eta aholkularitza" eskaintzen ari da egunotan. Etenbako jarraipena egiten ari zaie senideren bat zaintzeaz arduratzen diren 50 bat herritarri. Amankomunagoak azaldu duenez, WhatsApp bezalako sareen bidez, familiei laguntzeko materiala ere ematen ari dira. Laguntzarako sare soziala indartzeaz gain, erabiltzaileek jarduera ezberdinak egin ahal izatea eta nork bere burua zaintzea ahalbidetzen du material horrek.
Amankomunazgoak gogora ekarri du senideak zaintzen dituztenentzako zerbitzuak eskuragarri daudela Durangaldeko herritarrentzat. 94 603 00 46 telefonora deituta edo zaindu.mdurango@bizkaia.org helbidera idatzita ipini daiteke Zaindu zerbitzuagaz harremanetan. Doako zerbitzua da.