Zaldibarko zabortegian izandako sutearen ondorioz, ohi baino dioxina eta furano maila altuagoak neurtu izan dira airean eta osagai horiek ama-esnean izan dezaketen eraginagaz kezkatuta daude hainbat herritar. Horregatik, sinadura bilketa bat hasi dute Ermuan, Eibarren, Elgetan, Mallabian eta Zaldibarren Jaurlaritzako Osasun Sailari ama-esnearen kalitatea aztertu dezan eskatzeko. Osagai toxikorik duen ala ez eta umeentzako elikagai ona den jakin gura dute.
Ildo horretatik, eguen honetan, 17:30etik 18:30era, Ermuko San Lorenzo ikastetxean egongo dira eta hantxe sinatu ahalko da eskaera.
Aipatutako herrietan toki finkoak ere jarri dituzte sinadurak batzeko.