"Gure plataformaren kezketako bat txirrindularien bide-segurtasuna da", azaldu du Juan Carlos Poderoso A-8 Peajerik ez! plataformako bozeramaileak. "Txirrindulariak eurak kexatu izan zaizkigu. Ikusten dute N-634 errepidea ez dela segurua haientzat. Lan egunetan trafiko asko dute, arriskua dago. Eta ez haientzat bakarrik. Auto gidarientzako ere arriskutsua da, hor ibiltzen baitira, bazterrean doazen txirrindulariei iskin nola egingo", dio Poderosok.