Enpresa askotan greba nabaritu da Durangaldean: Bruss, Layde, Smurfit... Abadiñoko Eroski merkatalgunea ere itxita dago. Sindikatuek diotenez, udal zerbitzuetan eta irakaskuntzan ere jarraipen handia izan du grebak.
Hainbat mobilizazio antolatu dira egun osoan zehar Durangaldean. Deigarriena goizean Mc Donald´s-en parkinean antolatutakoa. Grebalariek artaldea eraman dute protesta moduan.
Tentsio momentuak
Mobilizazioekin batera, tentsioa ere nabaritu da Durangaldean. Durangon, istiluak izan dira Ertzaintzaren eta piketeen artean. Piketean zeuden bi pertsona identifikatu ditu Ertzaintzak. Zornotzan, Udaltzaingoak pertsona bat atxilotu du udaltzain bati eraso egitea egotzita.