Patronalagaz akordioa lortu ostean, greba deialdia bertan behera geldituko da Durangaldeko itunpeko ikastetxeetan

ELA, CCOO eta Steilas sindikatuek akordioa sinatu dute Kristau Eskola patronalagaz. LABek ez du testuan jasotakoa babestu. Grebak bertan behera utziko dira Durangoko Nevers, Jesuitak, Maristak eta San Antonio ikastetxeetan, eta, Zornotzako Karmengo Ama eta El Carmelo ikastetxeetan.

ELA, CCOO, Steilas eta LAB sindikatuek greba deitu dute asteon itunpeko ikastetxeetako langileen lan-baldintzak eguneratzeko. Zehazki, Kristau Eskolari lotutako zentroetako langileak egon dira grebara deituta. Horietako lau ikastetxe daude Durangon eta bi Zornotzan. Hilabete inguru luzatzekoa zen greba, eten egin dute.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.