Bizkaia osoko igerilekuetan egin da greba deialdia. Lan hitzarmen "duin" baten alde egongo dira eskualdeko kiroldegiko langileak azaroaren 10era arte. ELA, UGT, LAB eta CCOO sindikatuek deitu dute lanuztea. Patronalaren aldetik "blokeoa" jasan dutela adierazi dute. Euren esanetan, hainbat enpresa ez dira ezta negoziazio bileretara agertu. "Egoera larria da. Enpresak sektoreak dituen ahuldurak baliatzen ari dira mobilizazioak zigortzeko", azaldu dute ohar batean. Bestalde, jokabide "mafiosoa" egotzi diete azpi-kontratatutako langileen lan-baldintzak bermatzen dituzten erakundeei
Uztailean ere greba eta mobilizazioak egin zituzten langileek, Bizkaiko kiroldegi eta kirol-zelaien lan hitzarmena eguneratzea eskatuz. Egun, 2015-2017 bitarteko hitzarmena dago indarrean.