Asteburuan errepideko Bizkaiko Txapelketak jokatu dira. Atzo Berriatuan lehiatutako lasterketan Aroa Gorostiza elorriarrak zortzigarren postua lortu zuen, eta Bizkaiko lehenengo txirrindularia izan zen. Hori horrela, 23 urtez azpikoetan titulua irabazi zuen. Junior eta kadete mailan, berriz, CAF Turnkey Engineering taldeko Amaia Lartitegi eta Glas-Iurreta taldeko Naia Arregik irabazi zuten, hurrenez hurren.
Zapatuan, berriz, gizonezkoen Bizkaiko Txapelketa jokatu zen Igorren. Bertan, Gaursa Rent a Car la Tostadora taldeko Oscar Solana abadiñarrak garaipena lortu zuen.
