Matias Oregi durangarrak azaldu du urriaren 26an batzartuko direla Durangaldeko herrietan mobilizatzen dabiltzan mugimenduetako kideak, eta bertan aztertuko dutela manifestazioa egiteko aukera. Aurrekontuen lanketa tartean dagoenez, eztabaida horretan eragitea da pentsionisten asmoetako bat.
Eguen honetan ere Hego Euskal Herri mailako batzar bat egingo dute urriaren 1eko manifestazioen balantzea egiteko, iniziatiba berriak proposatzeko, aurrekontuen lanketaz gogoeta egiteko eta Gasteizko eta Iruñeko legebiltzarretako talde parlamentarioekin harremana garatzeko. Horrez gainera, astelehenetako kontzentrazioei ere eutsiko diete.
