Protesta jendetsuak egin dituzte Durangaldean Iruñeko talde erasoaren egileak aske uztearren

Protesta ekintza jendetsuekin erantzun diote Durangaldean Iruñeko talde erasoaren egileak aske uzteko auzitegiek hartu duten erabakiari. Durangon, Plataforma Feministak deitutako manifestazioa auzitegien aurretik irten da. Zaldibarren, kazerolada zaratatsua egin dute, eta Elorrion kontzentrazioan batu dira. Berrizen ere protesta egin dute.