Azken unera arte emozioa nagusitu da. Partidua amaitzeko minutu gutxiren faltan hiru puntuko aldea besterik ez zegoen talde bien artean. Orduan, ostikoz beste hiru lortuta, sei puntuko zuloa ireki dute gipuzkoarrek. Durango-Elorrioko jokalariak zuten denarekin saiatu dira, baina ezin izan dute partidua irabazteko atea irekiko zien entsegua lortu. Final parekatua eta ederra eskaini dute talde biek. Honenbestez, Zarautzentzat da garaikurra eta Espainiako txapelketa jokatzeko eskubidea. Gaurko porrotak ez du orbantzen Durango-Elorrioko gazteek osatu duten denboraldi zoragarria.
