Rio de Oroko udalekua "bikain" joan dela dio Mikel Del Arcok. "Beste urte bat guztia perfektu egon dena, bai umeen bai hezitzaileen aldetik". 90 bat boluntario egon dira. Medikuei egindako bisitetan ikusmeneko eta esofagoko arazo batzuk konpondu dituztelako pozik agertu da.
Atxondora ekarritako umeek azken urtea dute programan, eta horregatik, "sentimendu askogaz" betetako edizioa izan dela esan du Garazi Etxebarriak. Gainera, osasun azterketa ugari egin dituzte. Hezitzaile eta laguntzaileen lana eskertu du. Datorren urtean beste ume talde bategaz hasiko dira lanean. "200.000 bat saharar errefuxiatuen kanpamenduetan bizi dira, eta egoera gogor horrek ezin du horrela jarraitu".
