Moolman-Pasio hegoafrikarrak irabazi du Emakumeen Bira

(Argazkia: @EEmakumeenBira)

Jaizkibel igotzen atzean utzi du Van Vleuten ordura arteko liderra. Eider Merino laugarren izan da etapan zein sailkapen orokorrean.

Emakumeen Birako bosgarren eta azken etapa Errenterian hasi eta amaitu da. Jaizkibel mendatean gora aurrera egin du Ashleig Moolman-Pasiok (Cervélo) eta txirrindulari indartsuena dela erakutsi du. Annemiek Van Vleuten (Orica) herbeherearrak ezin izan dio jarraitu. Hegoafrikarra bakarrik heldu da helmugara eta 13 segundo atera dizkio Van Vleuteni, denbora nahikoa irabazlearen elastiko zuria bereganatzeko.

Azpimarratzeko moduko etapa eta Bira osatu du Eider Merinok (Lointek). Errenterian zein sailkapenean laugarren izan da. Irabazlearengandik 1.21era amaitu du Bira. Ane Santestebanek 12. tokian bukatu du 2.42ra. Bizkaia Durangoko Lierni Lekuona eta Lourdes Oyarbide izan dira hirugarren eta laugarren euskaldunik onenak sailkapen nagusian.

Erlazionatuak

Marta Bastianelli italiarrak irabazi du Emakumeen Birako lehenengo etapa

Iurreta

Iurretako esprintean indartsuena izan da. Liderraren elastiko zuria ere jantzi du.
Emakumeen Birak etapa laburragoak izango ditu aurten, “bizitasuna” bilatzeko

Durangaldea

Aurtengo Emakumen Biran etapa luzeak ekidin dituzte. Bost etapetako bat bera ere ez da 100 kilometrotara helduko. Lasterketak ibilbide laburragoan ...
Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.