Alde batetik, Elorriok eta Zornotzak elkarren kontra dihardute. Joanekoan Elorriok abantaila hartu zuen: 2-1. Gazte eta nagusien mailako partiduak irabazi zituen. Itzuliko jardunaldia zapatuan, 16:30ean, jokatuko dute Zornotzan.
Abadiñok 2-1 galdu zuen Sestaora egindako bisitan. Nagusietakoa erraz irabazi zuen (1-22), baina gainerako biak alde handiarekin galdu zituen: 22-6 kadeteetan, eta 22-12 gazteetan. Itzuliko jardunaldia zapatuan, 11:00etan, jokatuko dute Abadiñon, Zelaietako frontoian.