Apirilaren 4an aplikatutako Euskotenen tarifikazio sistema berriak Berriz eta Zaldibar Durangaldeko zonaldetik kanpo utzi ditu. Erabaki horren eraginez, Berriztik eta Zaldibartik Durangaldera egindako bidaiak nabarmen garestitu dira. Egoera honen aurrean bidaiariek kexa ugari bideratu dituzte Euskotrenera baita udaletxeetara ere. Era berean, kexa hori publiko egiteko elkarretaratzeak egin dituzte bi herrietan. EH Bilduk deituta, Berriztarrek protesta bidaia egin zuten joan zen barikuan. Zaldibartarrek ere ekimen horri helduko diote datorren barikuan.
Euskotrenek tarifikazioa aldatzeko sinadura bilketa eta mozioa aurkeztu dituzte Berrizen eta Zaldibarren
Berrizko eta Zaldibarko Udalek mozioa aurkeztuko dute Euskotrenen tarifikazio sistema berriaren aurka. Idatzi horretan distantzien araberako tarifikazioa eskatuko dute. Era berean, Durangaldeko beste herriekin batera Berriz eta Zaldibar zonalde berean egotea aldarrikatzen dute. Ildo honetatik, sinadura bilketa abiatu dute. Berrizen sinadurak udaletxean, Kultur Etxean eta kiroldegian jasoko dituzte.
Erlazionatuak
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!