Horrela, Abadiñoko eta Durangoko pilotalekuetara zein Tornosolo trinketera ez ezik, Landakoko atletismo pistara eta Berrizko belodromora ere irteerak egingo dituzte. Amankomunazgoa, eta Durangoko eta Abadiñoko udalak dira ekimenaren laguntzaileak.
Aste bat, bi, hiru edo hilabete osorako izena eman daiteke, eta prezioak 50 eurotik –aste bat– 150era –hilabete osoa– bitartekoak dira. Honako e-mailaren bidez egin daiteke izen-ematea maiatzaren 22ra arte: kiroludalekuak@gmail.com. Udalekuak goizetan izango dira, 09:15etik 13:15era, astegunetan.
San Trokaz Pilota Txapelketa
Abadiñoko Tornosolo elkarteak trinketeko San Trokaz Pilota Txapelketa abiatuko du gaur. Eskuz binaka benjamin, kimu, promesa eta nagusien mailetan garatuko da txapelketa. Asteburu honetan, kanporaketak jokatuko dituzte. Gaur, 18:15ean, eta, domekan, 10:45ean, gaztetxoen eta nagusien mailako finalak erabakiko dituzte, tartean eskualdeko hainbat pilotari daudela. Zapatuan, 17:00etan, promesen mailako finalaurreko biak jokatuko dituzte. Finalak maiatzaren 15ean eta 16an izango dira.