Ipuin laburren lehiaketako sari banaketa

Ipuin laburren 365 lehiaketaren sari banaketa, sorkuntzaz betea

Hiru saridunak lehenengo lerroan, eta epaimahaikideak bigarrenean.

Sorkuntzak hartu zuen protagonismo nagusia, euskarazko sorkuntza bultzatzeko, Berbaro taldeak abiaturiko ipuin laburren 365 lehiaketaren eguazteneko Platerueneko sari banaketa ekitaldian ere. Ekitaldira bertaraturiko publikoak Twitter zein posta elektronikoz jasotako 400dik gora ipuin laburren arteko lagin bat entzuteko aukera izan zuen. 140 karakteretan denetariko gaiak landu daitezkeela, eta literatura egin daitekeela erakutsi dute lehiaketan parte hartu dutenek.


Hiru partaidek jaso zituzten ipuin laburrik onenen sariak. Joxe Rojasek Twitter bidez #365ipuin traolagaz bidalitako ipuinak jaso du 100 eurok eta liburu sorta batek osatutako saria: “Esne mamitan bizi nahi zuen, baina alergia zion laktosari”. Atal horretako ipuinik onena aukeratzeko lana hartu duen Eñaut Aiartzaguena iurretarrak ipuina ilustratu du.

17 urtetik gorakoen atalean, bestalde, Amaia Iraeta durangarraren esaldia hautatu du epaia emateko ardura izan duen Ainhoa Urienek. “Denetariko pertsonaia, maskara eta gidoi prestatuak teloiaz bestaldean. Antzerkiaz asperturik, logelako leihoa itxi zuen”, testu esanguratsua idatzi zuen Amaia Iraetak. Berba horietatik abiatuta, Ainhoa Urien abadiñarrak idatziriko olerki ederraz ere gozatu ahal izan zuten sari banaketa berezira gerturaturikoek.  

14 eta 16 urte arteko parte-hartzaileen sailean, Mikel Mendibe zornotzarraren sorkuntza izan da 365 ipuin lehiaketaren lehenengo edizioan aukeratua: “Hegoak ebaki nizkion txoriari, baina korrika alde egin zuen”. Atal horretako ipuinik onena aukeratzeko lanetan ibili den Antton Uriarte elorrioko musikariak Mendibe zornotzarrak sorturiko berbak oinarri hartuta konposaturiko kanta ederra ere entzungai izan zen eguazten iluntzeko Platerueneko ekitaldian.

 

Erlazionatuak

#365ipuin lehiaketara aurkeztutako Ipuin labur batzuekin osatutako bideoa

Durangaldea

Ehundaka ipuin labur aurkeztu dira lehiaketara. Horietako batzuk bereiztu eta bideo batean jaso ditugu.
Ipuin laburren sari banaketa iruditan

Durangaldea

Atzo Plateruenan egindako sari banaketaren laburpena irudien bidez.
Amaia Iraetarena izan da Durangaldeko ipuin laburrik onena, 17 urtetik gorakoen kategorian

Durangaldea

Amaia Iraeta Trancho durangarrak irabazi du 365ipuin lehiaketako saria, Durangaldeko 17 urtetik gorako partaideen artean. Ainhoa Urienek eman dio s...
Mikel Mendibe Abarrategi irabazle 14-16 urte arteko mailan

Durango

Mikel Mendibe Abarrategiren ipuina izan da onena Durangaldeko 14-16 urte arteko mailan.
Joxe Rojasek irabazi du Twitter bidezko #365ipuin lehiaketako saria

Durangaldea 1

Eñaut Aiartzaguenak aukeratu du ipuin irabazlea, eta ipuinetik abiatuta, margolan bat prestatu du
Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.