Berrizko Keinu optometriak zabalik 25 urte egin dituela ospatzeko festa egin zuten atzo. "Ibilbide itzela izaten ari da, beti hazten joan gara, eta herritarrei eskerrak eman gura dizkiegu", azaldu du Aitziber Zabala kudeatzaileak. Naia ahizparekin batera ireki zuen negozioa duela mende laurden.
Ospakizunean, San Lorentzo dantza taldeko dantzariak, Irati Otaduy musikari iurretarrak eta hainbat herritarrek parte hartu zuten, besteak beste. "Oso polit irten da ospakizuna, dantzariak gure aitaren ikasleak izandakoak ziren, gainera", gehitu du Zabalak, pozik.