Egitarauari dagokionez, Txintxaun Kolektiboaren 'LanuevaAnormalidad' antzezlana, Eneritz eta Dana eta Olinda-ren musika kontzertuak, ekainaren 27ko dantza ikuskizuna eta bertso saioa nabarmendu daitezke. Honako bertsolariak ariko dira: Araitz Katarain, Irune Basagoiti eta Leire Vargas. Miren Amuriza izango da gai jartzailea.
Hiltegixe Berrizko Gaztetxiek, Berrizko Gazte Asanbladak, Oka Elkarteak, Umerrik eta Azeri Gorriak-ek elkarlanean antolatu dute egitaraua.
Izen-ematea, aurretik
Ekintzetan parte hartzeko, aldez aurretik izena eman eta bono-laguntzak eskuratu beharko dira. Izen-ematea modu presentzialean egin behar da: Ekainaren 22ko astelehenean eta ekainaren 24ko asteazkenean, 18:00etatik 20:00etara, Olakueta plazan. Bono-laguntzak ordaintzeko zailtasunak dituenak, garbiketa-txanda batean parte hartzearen truke eskuratu ditzake.
Osasun neurriak bermatzeko, aforoa mugatuta egongo da ekintza guztietan eta aforoa aldez aurretik betetzen ez den ekintzetan, saioa hasi baino lehenago izena emateko aukera egongo da lekuan bertan.
Horrez gainera, honako osasun neurriak hartu dituzte:
- Ekintza guztietara maskara eraman eta aulkian eserita egon beharko da.
- Etxe bereko kide bat baino gehiago apuntatuz gero, elkarrekin esertzeko aukera izango dute.
- Erabilitako espazioetan, segurtasun neurri guztiak zainduko dira
Hona jaietako egitaraua:
