18 urteko mendizale batek istripua izan zuen atzo arratsaldean Anboto mendiaren iparraldeko harri eremu batean. Ertzaintzak azaldu zuenez, 16:30 jaso zuten abisua. Gaztea 30 metroko altuera batetik erori zen. Larrialdi zerbitzuak berehala bertaratu ziren eta Ertzaintzak helikopteroz erreskatatu zuen. Osakidetzako helikopteroa Atxondoko Arrazola auzoan zain zuen Gurutzetako ospitalera eramateko. El Correo egunkariak azaldu duenez, zauritua Gurutzetako ospitalean hil da gaur.
Ertzaintzak atzo kaleratutako prentsa oharrean gaineratu zuenez, istripua izan zuen mendizalea bihotz-biriketako geldialdian sartu zen eta UVRko erreskatatzaileek bihotz-biriketako bizkortzea egin zioten.
